Trofeonan conkista den e 58th Caribbean Cadet and Junior Table Tennis Championship teni na Guyana

Recientemente e delegacion di tennis di mesa a regresa cas unda nan a haci un tremendo papel durante di e torneo di tennis di mesa yama Caribbean Cadet and Junior Table Tennis Championship teni na Georgetown, Guyana. Mester bisa cu durante di henter e torneo nos atletanan di ping pong a duna bon bataya na e otro paisnan den nos region unda nos muchanan a logra gana varios trofeo den e campeonato di Caribe. Nos atletanan a gana trofeo den e categorianan individual, ekipo y dobbel.

 

E prestacion di e hoben ChingHo Chung tabata esun mas yama unda Chingho a logra yega te e gran final den U15 den 33 hungador y keda na di dos lugar. Tambe nos tin Mikayla Mathilda cu a logra un di tres lugar den dobbel den U18 hunto cu su partner di Cuba.

Su ruman Jeandry Mathilda tambe a logra conkista un di tres lugar den dobbel hunto cu su partner di Cuba. E hungadornan Chingho, Jhonathan y Robert a sali di dos luga den U15 esaki den e categoria pa ekipo.

 

Cu otro palabra nos delegacion di tennis di mesa a presta den bon forma na Guyana. Sigur tin cu duna elogio na e directiva di Aruba Table Tennis Association cu ta traha duro na progreso di nan deporte sin lubida coach Rudy Raga cu ta yuda na e bon desaroyo di e hungadornan.

 

Un danki sigur na Lotto, e Loteria di Aruba pa medio di Comision di Subsidio cu a subsidia e delegacion di tennis di mesa pa nan participacion den e Caribbean Cadet and Junior Table Tennis Championship na Georgetown, Guyana.

Top