Tur hende ta puntra kico a pasa Diputado Clark Abraham?

Awe nos ta haci publicacion cu e conocido politico, Clark Abraham a keda deteni, acusa di e.o. violencia domestic, basa riba un denuncia cu su propio señora a haci contra su persona.

Pesey diasabra atardi ora e avion di KLM a baha na Bonaire, Diputado Clark Abraham a caba di regresa for di Hulanda pa un bishita di trabou cu el a haci na Hulanda.
Na momento di su yegada tabatin su abogado ta warde pa nan a combersa y despues hunto a sali pa Warda di Polis na Playa.

Maske su intencion tabata pa presenta awe dialuna na Warda di Polis, pero el a ser convenci pa haci’e diasabra anochi mes.

Aki net 7:40 pm Diputado Abraham a drenta sala di interogacion caminda Recherchenan ta investigando un keho cu a drenta contra dje di parti di su casa. Tin indicacion cu e keho tin di haber cu violencia domestico.
Diputado Abraham mes a presenta na Warda di Polis compaña tambe pa miembro di Conseho Insular sr. Michael Pieters.
Mas despues su mama tambe a presenta na warda pa pone su mes na altura. Despues di interogacion Diputado Clark Abraham a keda detene.

 

Mayan e lo tin cu presenta dilanti di Fiscal di Ministerio Publico, kende lo determina si tin motibo pa prolonga su detencion.

 

(foto cortesia di LiveFM 99)

Leave a Reply

Top