Turista femenino ta corta cara di su casa dos biaha

Loke mester tabata un vacacion pa relaha y disfruta ta termina den un maltrato serio na un hotel High Rise, pa cual a pidi intervencion policial.

 

Den oranan di diasabra marduga, un pareha turista hospedando na un hotel High Rise a cuminsa pleita den area di pool, caminda e turista femenino a corta cara di su casa dos biaha.

A pidi asistencia di Ambulance pa transporta e turista masculine pa Hospital, mirando cu un di e cortanan tabata basta profundo.

 

Polis a atende cu e turista femenino pa locual el a haci. Te n’e momentonan ey no tabata conoci si e turista masculino lo entrega keho contra su casa. Foto cortesia di ArubaNative.com.

Top