Un biaha mas: Guardacosta ta detene un grupo di ilegal

 

Diasabra ultimo, Guardacosta di Caribe Hulandes a detene 22 persona cu a purba drenta Corsou di forma ilegal. Tur ta di nacionalidad Venezolano. Ademas, a confisca un arma di candela.

E dia prome tambe nan a detene dos persona ilegal di mesun nacionalidad.

 

E operador di radar di e Centro di Rescate y Coordinacion di Guardacosta a detecta movecion sospechoso pazuid di Corsou. Un unidad a sali for di punto di sosten di Parera pa investiga.

Na altura di Spaanse Water, nan a topa cu un boto sin luz cu 22 persona abordo y un arma di candela.

 

Tur 22 persona (20 homber y 2 muhe) di nacionalidad Venezolano y arma confisca a wordo entrega na autoridad. E caso ta bou investigacion.

Top