Un biaha mas Nicolas Maduro ta haci cambio den directiva di PDVSA

Presidente di Venezuela, Nicolas Maduro a haci cambio den directiva di PDVSA, unda el a dicidi di substitui varios intregrante.

El a haci e restructuracion cu e proposito pa logra un mihor eficiencia y pa reduci e practicanan di corupcion den e empresa.

 

Maduro a anuncia cu el a dicidi di haci un renobacion den e team ehecutivo di PDVSA, pa cuminsa e proceso di restructuracion y expansion di e servicionan cu nan ta duna.

Tambe mester bay sanea  e corupcion, cu a bin ta daña PDVSA.

 

Asina el a dicidi di mantene Eulogio del Pino como Presidente y entre e miembronan nobo, Nicolas Maduro a nombra su Canciller Delcy Rodriguez como Vice Presidente di Asuntonan Internacional.

Manera por corda, Eulogio del Pino a reemplaza Nelson Martinez, kende a keda como Presidente di CITGO, filial di PDSVA na Merca. Pero Nelson Martinez a bira tambe Minister di Energia.

 

Presidente di Venezuela ta spera cu e Presidente nobo di PDVSA lo concentra su mes den direccion di e cooperative, y wak con por saca e pais for di su crisis economico, cu a bira peor cu e prijsnan di petroleo, cu ta representa 96% di entrada di exportacion.

 

 

Top