Un biaha mas STA a tene accion di dos ora na Arubus – Teo Croes a invita Diego de Cuba pa sinta cune den oficina y ta testigo di operacion di Arubus

Trahadornan di Arubus, un biaha mas, a bay den accion ayera mainta pa dos ora. Motibo ta varios, e.o. Diego de Cuba a bin ta bisa cu Arubus no ta cumpliendo cu e protocol cu nan a firma.

Du dos empleado di Arubus, kende nan a bay yuda AruParking, a bolbe Arubus, cu un salario masha halto mes.

Y tur esaki, mientras cu gerencia di Arubus ta bisa di no tin placa pa duna ningun aumento n’e trahadornan di Arubus.

 

Teo Croes, Director di Arubus a bari tur e ponencianan aki for di mesa. El a comenta cu e subsidio tabata 4 miyon florin, pero semper a agrega 2 miyon riba dje cu a wordo uza pa paga un prestamo. Pero mientrastanto e 4 miyon aki ta for di 1998.

Gastonan di Arubus a subi cu 57% pa 2009. Aworaki e ta mucho mas. Loke a pasa ta, na 2009, segun Teo Croes, nan a kita e 2 miyon, nan a haci’e 4 miyon so.

 

Aki e problemanan financiero a cuminsa y Arubus no por a lanta cabes mas. Aworaki Arubus tin 4 miyon, for di cual mester paga 1 miyon na belasting. De facto Arubus mester di 8 miyon p’e compania por opera, sin haci ganashi tampoco.

A crea e compania AruParking, cu e meta pa yuda genera fondo pa Arubus, pero tur hende sa kico a pasa. Aruparking mes no tin subsidio. Arutram su entrada, ta wordo genera a un parti dor di e pasaheronan di crucero cu ta bay pa Arutram.

 

Pesey loke cu Diego de Cuba, Presidente di STA ta menciona, claramente e no sa kico e ta papia, segun Teo Croes. E tram ta un producto pa turistanan, especialmente esnan cu ta bin for di cruceronan. E ta ser mira como un promocion pa propio Aruba y t’e turistanan mes ta paga p’e Arutram.

Awor Diego de Cuba ta bisando cu e sa di unda e placa ta bin pa cover’e. E placa no ta bin di Arubus. Y asina STA y su miembronan tin un cantidad di insinuacion, te pa tilda Teo Croes di mal maneho y ta exigi su retiro.

Teo Croes a invita Diego de Cuba, si e t’asina bon, pa sinta banda di dje, pa mira con e ta maneha e compania y si e por mihor, p’e tuma rienda.

 

Si e busnan ta den mal estado, mester busca esaki serca e propio chofernan cu no sa cuida propiedad di otro.

 

Top