Un bon maneho financiero ta cuminsa for di chikito

PwC Aruba preparando pa futuro. A combersa cu Edsel Lopez, partner di PwC Dutch Caribbean rib’e ideanan nobo cu PwC Aruba tin p’e temporada nos dilanti.

Edsel Lopez a elabora un poco rib’e plannan cu PwC Aruba tin p’e temporada nos dilanti y a duna di conoce cu PwC lo sigui cu e proyecto exitoso Earn Your Future.

E proyecto aki ta uno den cual empleadonan di PwC ta duna muchanan di 5de y 6de klas les pa conscientisa nan riba con pa traha un budget y e relevancia pa spaar.

E parti bunita di e proyecto aki ta cu PwC Aruba no ta siñando solamente muchanan con pa ta responsabel den e parti financiero, pero e muchanan ta comparti e mensahe aki tambe cu nan mayornan y famianan. Cu e proyecto aki PwC Aruba kier comparti nan conocemento cu e comunidad y specialmente cu e muchanan.

PwC Aruba ta un compania cu ta traha cu cifras y esaki ta algo cu nan ta desea pa comparti y cu lo beneficia e muchanan den futuro.

Hobennan cu a participa na e proyecto aki a comenta cu nan ta masha contento cu e lesnan cu nan a haya rib’e topico aki.

Edsel Lopez a finalisa bisando cu banda di e proyecto Earn Your Future PwC ta den ful preparacion pa cosnan inovativo y unico pa Aruba su business community.

Top