Un caso di asesinato a keda registra na Bonaire

KRALENDIJK – Diasabra madruga un caso di discusion y hincamento a tuma lugar pa 5or den cura di e skol di San Bernardo bieu cu ta situa dilanti di un bar.
Aki nan despues di e hincamentu a core hiba e victima Adonis Boezem hospital, ya cu e tabata perdiendo hopi sanger, mas lat e informe ta drenta cu el a fayece.

 

Loke OM y Polis a manda ta bisa ta lo siguiente:

OM y Polis a pidi Faroek Balentien pa meldo su mes na warda pa su propio seguridad.

Diasabra 8 di april, pa alrededor di 5 or di mainta, Central di Polis a ricibí notificacion cu mester a hiba un hòmber hospital cu diferente hincá na su curpa.

Na hospital e persona aki a bin fayecé. En coneccion cu e caso aki OM y Polis ta pidi Faroek Balentien pa mèldo na Warda di Polis mas pronto posibel pa su propio seguridad.

 

DETENI

Relacioná cu e investigacion na Bonaire den cual 8 april 2017 e homber Adonis Boezem di 22 aña a perde su bida, KPCN a tene diadomingo mainta riba ordo di Fiscal di Ministerio Publico (OM) BES un entrada hudicial.

Esaki den un cas den Kaya Guanara na unda a detene e sospechoso Faroek G.A.Balentien. Ya caba anteriormente Polis a anuncia cu tabata busca e persona aki relacioná cu e crimen.
Despues di e detencion den e cas a detene riba ordo di OM BES e dama R.J., kende ta ser sospechá di a tene e homber, sospechá di un crimen, for di gara di Polis.
E investigacion ta continuá, pero cu e detencion aki a logra un paso importante.
 

 

Top