Un total di 11 detenido a logra nan diploma di spuit auto

Un total di 11 detenido/studiante na KIA a sigui e curso di ‘saca golpi y spuit’ auto y nan a logra nan diploma.

Director di KIA, Rocco Tjon y Terry Gumbs a entrega e diploma n’e detenidonan p’e logro aki. Esaki a tuma lugar den Biblioteca dilanti tur esnan cu a forma parti di e ekipo cu a organisa e curso aki, incluyendo e Director y representante di Enseñansa pa Empleo.

Na momento di firma e diploma, Ramon Coffy y Gregory Croes tabata presente hunto cu personal di KIA y e graduadonan.

E detenido/studiantenan tabata motiva y a pidi pa sigui cu cursonan den KIA. “Tin biaha tin cu motiva mas, pero p’esey Rocco Tjon ta ocupa pa trece otro profesionalnan banda di e profesionalnan cu ta den cas caba”, asina Terry Gumbs, Mediawerkers schooling en vorming, a expresa.

Asina aki lo forma un ekipo fuerte, cu sa di motiva empleado y clientenan p’asina por bay dilanti.

Tambe pa duna contenido n’e programa di resocialisacion y e intergracion na KIA. Cu e proyecto aki lo kier logra yuda detenidonan den KIA y despues tambe e “na zorg” lo por sigui. KIA ta na mesa cu Reclassering y otro organisacionnan manera AHATA y ATA, pa mira si nan por coopera pa duna e clientenan un di 2 oportunidad cu un trabou, den un esfuerso conhunto pa logra rehabilita pa nan por sigui nan bida y duna bek na comunidad.

Ramon Coffy a ricibi training for di Gregory Croes, representante di Enseñansa pa Empleo, y el a acerca su persona pidiendo Enseñansa pa Empleo un aporte pe hobennan encarcela den KIA. Gregory Croes a yega KIA y a yuda Ramon Coffy pa duna nan e certificado y diploma.

Nunca el a drenta KIA y semper Gregory Croes a duna e curso pafo, pero pa prome biaha eyden e ta haya cu e mucha hombernan ta bon educa.

Nan tabata aporta na loke tabata siña nan, asina e representante di Enseñansa pa Empleo a expresa.

Pa loke t’e trabou cu nan kier eherce y e training duna, ta kere cu na momento cu nan sali for di KIA nan lo por haci e trabou di spuit auto.

Trahado di seguridad di KIA, Ramon Coffy, a splica cu e prome grupo cu a atende un curso di “lassen” di Wilfrido Dubero.

Despues di esey a cuminsa di biaha cu e curso di spuit y saca sla (uitdeuk). E team ta consisti di 5 persona cu ta facilita e curso y siña e hobennan pa bay dilanti.

“Nos ta haya cu e ta bayendo bon. Tur ta saliendo perfecto”, el a duna di conoce. Ta purba di haci’e mihor posibel y ta resultando, esnan cu kier ta sigui e les y bay dilanti. Ramon Coffy hunto cu su grupo ta siña e studiantenan manera nan a haya les, con cosnan ta bay.

El a gradici señora Corman di MIPA y Complete Out of Care, Gregory Croes, kende a pone confiansa 100% den su persona hunto cu MIPA.

Director Rocco Tjon tabatin confiansa den Ramon Coffy, kende a sinta cu Gregory Croes pa traha riba un plan di kico nan lo haci. Gregory Croes a percura pa haya e materialnan gesponsor pa duna les den KIA.

Pa loke t’e autonan cu nan a spuit, e Director a percura pa haya esakinan como sponsor. Di aki e curso a cuminsa.

Na KIA hende por a hiba auto y e presonan ta traha riba dje, pero awor cu 11 preso gradua den spuit auto ta keda n’e Director pa habri e garashi bek y pa por duna servicio bek.

Top