Unico sospechoso den caso di asesinato na Jaburibari ta Michael Gibson

Ayera Ministerio Publico a duna un update tocante e sospechosonan Canades, cu te ainda tabata deteni, relaciona cu e caso di asesinato na Jaburibari.

E investigacion di e asesinato; homicidio di e homber Canades di prome di mei 2017, a avanza te n’e punto cu tin sospechonan serio contra un sospechoso Canades p’e crimen aki.

E otro tres sospechosonan Canades a wordo poni den libertad ayera.

 

Berdad nan tabata presente ora e crimen a tuma lugar den e cas na Jaburibari, pero for di investigacion no a sali cu nan tabatin algo di haci cu e crimen.

No tin sospechonan serio contra nan y dor di esey no tin mas motibo pa mantene nan den detencion preventivo.

 

E unico sospechoso ta awor, cu a keda deteni ta Michael Gibson, kende ta wordo busca na Canada pa algun crimen cu el a comete aya.

Top