Union Europeo cu suma substancial pa establecimento di e Parke Marino di Aruba

Union Europeo a otorga e fondonan hopi necesario pa e establecimento di e Parke Marino di Aruba y e desaroyo di planna di maneho pa cuater area elemental pa biodiversidad.

E obhetivo di e esfuerso aki ta pa proteha y restaura e sistemanan ecologico di costa, servicionan di sistemanan ecologico, biodiversidad y procesonan ecologico, y proteha e areanan di varios impacto negativo.

 

E fondonan ta bin for di e “B.E.S.T.2.0”, un programa di conservacion pa biodiversidad pa cual a aloca un total di ocho miyon euro pa paisnan y teritorionan Europeo Ultramar (OCTA).

E facilidad di fondo aki, sosteni pa Comision Europeo (DG DEVCO), ta part di insigna principal B4Life, cu ta para pa Biodiversidad pa Bida Union Europeo.

E proyecto aki tin como obhetivo pa conserva biodiversidad y uzo sostenibel di servicionan di ecosistema, incluso acercamento basa riba ecosistema pa adaptacion di cambio di clima, ademas di inmigracion, como base di desaroyo sostenibel den e paisnan y teritorionan Europeo Ultramar.

 

Directie Natuur en Milieu, DNM, esta e departamento pa naturalesa y medio ambiente lo implementa e proyecto aki conhuntamente cu TNO. E ta inclui e desaroyo di legislacion pa establece y maneha e Parke Marino, e desaroyo di plannan di maneho pa cuater Area di Biodiversidad Elemental y establecimento di un organisacion pa maneha e Parke Marino.

Lo tin varios oportunidad pa envolvimento di publico durante e proceso y e ekipo encarga cu e proyecto pro-activamente lo drenta den contacto cu tur actor relevante manera operadornan turistico, piscadornan, y organisacionnan ambiental.

 

Segun Gisbert Boekhoudt, Director di DNM, “E proyecto aki lo permiti nos pa pro-activamente proteha e recursonan marino di Aruba y reforsa nos asociacion cu organisacionnan ambiental local y regional cu esfuerso adicional pa atrae fondonan futuro y financiadornan pa yuda nos proteha y restaura e recursonan marino di Aruba.”

 

Di su banda, e Director di TNO Caribbean sr. Jan Ebbing, a bisa cu “TNO ta orguyoso di ta e partner di Aruba como e instancia cu cu a ricibi e fondo pa implenta e proyecto importante aki.

Maneho sostenibel di recursonan marino ta di importancia grandi pa futuro economico di Aruba y ta un aspecto intergral di desaroyo sostenibel isleño. E fondonan di Union Europeo lo acelera e proyecto.”

Top