Ursell Arends di RAIZ – Mensahe di RAIZ a haya masha acogida y lo keda demostra awe nochi

Na Colegio Conrado Coronel, e lider di partido RAIZ, Ursell Arends y famia a haci uso di deposita su voto.

E tabata un periodo di eleccion hopi pisa, pero e mensahe di RAIZ a keda acepta. Si tur hende kier un cambio di berdad, mester vota diferente segun Ursell Arends.

E tabata e prome lider politico cu a uzo di su derecho pa vota, y mester bisa cu el a ser acompaña pa su famia y su compañeronan di partido.
Ursell Arends ta contento cu e acogida cu nan a haya den pueblo y ta contento cu e pueblo cu ta respalda nan den e corto tempo cu nan tin.

 

RAIZ ta representa e mayoria silencioso, ya cu nan no tin niun t-shirt y niun propaganda politico. Nan ta cla pa representa e pueblo den Gobierno.
RAIZ su campaña tabata mas dirigi riba rednan social, cu ta hopi mas barata cu e sistema tradicional.

E sistema tradicional mester ta di e pueblo, pero atrabes di nan Cultivando Tour nan a bishita e Centronan di Bario, unda cu nan a scucha e preocupacion di pueblo.

 

RAIZ ta conta cu e sosten di pueblo. Tur e 5 candidatonan tin un record limpi y nunca antes nan tabata meti cu otro partido politico. RAIZ a lanta y nan a planta un simia tur caminda cu nan a bay.

Leave a Reply

Top