Velocidad halto ta causa di accidente serio na Caya Betico Croes

 

Den oranan di marduga, a bati alarma pa un auto cu a dal y basha abou un cura di cas na Cumana. E chauffeur a keda pega den e auto, pa cual a pidi asistencia di cuerpo di Bombero y personal di ambulance.

 

A constata cu e chauffeur tabata biniendo cu velocidad bastante halto y el a perde control pa despues termina den e cura di cas. E mata di coco den e cura ta locual a prohibi e auto pa drenta completamente den e cas, pero e impacto a dobla e mata cu a causa daño na e dak di e cas.

 

Cuerpo di Bombero a cuminsa corta e auto pa saca e chauffeur cu tabata seriamente herida y tabata keha di hopi dolor. A transport’e cu urgencia pa Hospital. Tabatin basta daño material.

Top