Venezolanonan residencia na Aruba tambe a uni na nan paisano na Venezuela den protesta

Demandando libertad y pa organisa eleccion liber

 

Mescos cu a sosode tur parti di mundo, residentenan Venezolano na Aruba tambe a uni nan mes na protesta di nan paisanonan na Venezuela, unda na Arub, ayera mainta un grupo di Venezolano a duna acto di presencia dilanti di Consulado General di Venezuela.

Mayoria di nan tabata bisti na preto, y tabata carga e bandera Venezolano cabez abao, expresa cu nan ta na luto pa cu tur esnan cu a perde nan biba den e manifestacionnan di ultimo dianan na Venezuela.

Esnan presente ta masha preocupa pa cu e situacion reinante na Venezuela. Hop di nan a bin cu cruz y foto di esnan cu a ser mata den e confrontacion cu tabatin te cu awor. Pesey nan a bin ayera mainta hunto pa como 2 ora expresa cu nan ta di luto y tambe expresa nan dolor pa loke ta sosode den cayanan di Venezuela.

E protesta aki tabata uno pacific y tranquil, maske cu e dolor ta profundo, sperando cu pronto tin un solucion, unda nan kier un Venezuela cu seguridad, unda ta reina husticia, libertad y democracia, cu no tin awor na Venezuela.

Top