Venezuela tin solamente 10 biyon dollar di reserva

CARACAS – Tempo y placa ta cabando pa Venezuela den medio di tur su problemanan. Venezuela tin solamente 10 biyon dollar di reserva – e placa destina pa mantene e economia stabil y calma temponan dificil.

 

Locual ta pio ta cu mayoria di e reservanan no ta den placa cash, pues 7 biyon ta den bara di oro, cual no ta facilita e forma di pago. Y Venezuela tin hopi pa paga pronto.

E pais debe 6 biyon den pagonan p’e resto di e aña. Tampoco ta mustra cu e unico fuente di ingreso di e pais – exportacion di petroleo – por paga dicho debenan.

Na final di dia, Venezuela ta coriendo riesgo si no paga su debenan e aña aki, nificando cu e no por haya mas prestamo pa paga pa lo basico manera cuminda y medicina, cu ta scarce.

 

Den 2011, Venezuela tabatin 30 biyon dollar den banco, cual a baha te cu 20 miyon dollar den 2015. E empeoramento di e situacion financier ta subraya e problemanan di Venezuela.

Violencia, protestanan anti-Gobierno den cual tres persona a perde nan bida diaranson ultimo, y mas protesta programa p’e fin di siman aki. Forsanan arma a confronta e manifestantenan cu
gasnan lacrimógeno y tironan.

 

Tambe riba diaranson, General Motors a bisa cu autoridadnan Venezolano a apodera di nan planta di montahe. Autoridadnan di nan banda a nenga esaki, bisando cu e planta a wordo embarga te ora resolve un caso hudicial di largo duracion.

E distincion aki no tin diferencia pa GM: a para operacionnan debi na intervencion di Gobierno.

 

E IMF a predica diamars cu e inflacion di Venezuela lo subi cu 720%, mientras desempleo lo subi riba 25%. E aña aki sin duda lo marca e di cuater aña di recesion – completamente bou responsabilidad diPresidente Nicolas Maduro, cu ta culpa Estados Unidos y oponentenan politico p’e problemanan di e pais.

 

Pero hopi ta cuestionando e prioridadnan di e Gobierno. Documentonan ta musta cu Venezuela – incapas di paga pa importacion di cuminda pa su miyones di ciudadano hambriento – a haci donacion di 500,000 dollar na comision di inauguracion di Presidente Trump.

 

Pa haci e pago di debenan di e aña anterior, e Gobierno Venezolano a cuminsa manda parti di su oro na Suiza pa sirbi como garantia di un prestamo of un intercambio di placa pa oro.

 

Top