Willy’s Pools ta celebrando 30 aña cu un “look” nobo y proyectonan grandi

Willy’s Pools no ta desconoci den e mundo di construccion y servicio di pool na Aruba.

Ya for di 1986, e ta diseñando y construyendo poolnan extraordinario na Aruba, Corsou y Boneiro. Cu un portfolio grandi di poolnan residencial y comercial.

 

E aña aki, Willy’s Pools ta celebrando 30 aña cu un “look” nobo y proyectonan grandi. Expertonan certifica ta prepara pa duna un servicio individual na e necesidad di cada cliente.

 

Den transcurso di 30 aña, propietarionan Willy y Kathleen de Cuba a crea un compania local cu nan por ta orguyoso di dj’e, y awe nan yiunan Gilbert y Merveline ta tumando e direccion di e compania den nan man.

 

Despues di termina su estudionan di exterior, Gilbert a bolbe Aruba y a uni na e team banda di su ruman Merveline cu pa varios aña ta forma parti di e team di Willy’s Pools. Nan ta conta cu e experticio y guia di Willy y Kathleen y tambe e team dinamico di Willy’s Pools p’asina hiba Willy’s Pools dilanti pa futuro generacionan.

Top