Women’s Club of Aruba cu bishita di cortesia cerca su Miembro Honorario

Diamars dia 7 di maart ultimo Women’s Club of Aruba (WCA) a haci un bishita di cortesia cerca sra. Hanneke Boekhoudt-Koetse, kende ta distinguida esposa di Gobernador, sr. Alfonso Boekhoudt.

P’e ocasión aki a representa WCA, Presidente Marva Solagnier y Vice-Presidente Elisabeth Pope.

Durante e bishita aki na Gabinete di Gobernador di Aruba a sera conoci oficialmente cu sra. Boekhoudt-Koetse, a dun’e mas informacion tocante e organisacion di WCA, kico e organisacion ta para p’e y e diferente proyectonan cu tin pa comunidad.

Como esposa di Gobernador, sra. Boekhoudt t’e Miembro Honorario nobo di WCA y esaki lo wordo oficialisa durante e luna aki, cu ta luna dedica na Hende Muhe.

Top