Women’s Club of Aruba pa prome biaha a saca Reina di Carnaval

Despues cu Presidente Marva Solagnier a sende e bela durante e reunion di miembrecia di Women’s Club of Aruba (WCA) pa luna di februari, Norma Brinkenberg a lesa e invocación: “A prayer for the day”.

E tema di e reunion tabata “Carnival Mask” y tur presente tabata bisti na un forma Carnavalesco cu nan mascarada colorido.

Entretenimento tabata a encargo di Bito & The Boy’s Steel Band, kendenan a toca canticanan di Carnaval masha bunita mes.

E decision final pa saca e Reina di Carnaval pa WCA tabata na encargo di invitado Apolonia ‘Jacky’ Croes.

A keda eligi como Reina nan Life Member Pearl Gomarty, kende a keda masha encanta y emociona.

El a ricibi su sjerp di Program Chairman Reina Geerman, mientras el a wordo corona pa Presidente Marva Solagnier.

Asina Pearl a bira e prome Reina di Carnaval den historia di WCA.

E premio p’e outfit cu mascarada mas espectacular a bay pa Yvonne Warren.

Pabien Pearl!!!

 

Top