Xpresa bo mes: Plataforma di Odio y Rencor (POR), tempo lo bisa

Cada dia cu pasa nos ta haya mas motibo y rason pa bisa tocante e asina yama partido POR, cu ta un organisacion politico cu a wordo forma of lanta saliendo fo’i odio y rencor.

Plataforma di Odio y Rencor (POR).

 

Ora bo bandona bo partido politico pa asuntonan puro personal y bao di rabia y pleito, y bay lanta of uni na un otro organisacion politico pa por tuma vengansa politico contra bo partido y/of su lider, nunca un partido asina por tin un base firme, sincero y confiable cu bon intencion pa sirbi pueblo y pais. Bo no por ta sanamente bezig.

 

Y esey ta e partido politico POR, Plataforma di Odio y Rencor. Nos tur ta corda cu Andin Bikker a lanta parido PDR p’e por a venga MEP y Nel Oduber. Awe nos ta mira cu Otmar Oduber y Marisol Lopez-Tromp ta haciendo mescos cu partido AVP y e lider y lo demas (sigur Dammers, Herdé y Sevinger) den e partido AVP.

 

Dia cu sra. Marisol a vota pa cambio di pension di Ministronan hunto cu AVP den Staten, tabata simpelmente pa e por a venga Nel Oduber y lo demas den MEP pa e expresion insultante “broedende kip”, cu aparentemente te cu awe ta molesti’e internamente.

El a tuma su vengansa na un manera nechi, pero mal intenciona. Nan ningun di tres ta proyectando un vision politico serio pa cu nos pais. Nan unico mision ta, logra nan vengansa politico cu nan tin na mente. Tur nan accionnan di utimo tempo ta gestionnan politikeo populista pa por logra via engaño gana voto di e ciudadano humilde y cu no ta suficiente na haltura con tur e asuntonan realmente ta hinca den otro.

 

P’esey mes nos ta lamenta hopi cu sr. Alan Howell a haci hustamente e escogencia pa uni na e odioso- y rencorosonan aki pa por sigui cu su carera politico.

Ta p’esey nos ta ripiti loke nos a bisa algun tempo atras den un remitido, “cada cual cu su igual”. Nos no ta duda den esey. Tempo lo bisa.

Leave a Reply

Top