Zr. Ms. Van Amstel a intercepta dos diferente transporte di droga den 48 ora

E fregat Zr. Ms. Van Amstel a intercepta dos diferente transporte ilegal di droga rib’e anochinan di 11 y 12 di april, 2017. Incluso prome cu e prome caso por a conclui, un segundo boto sospechoso a wordo detecta. En total casi 700 kilogram di cocaïne a wordo confisca.

 

PROME INTERCEPCION

Durante un practica di tiro na e costa di Corsou, a drenta un yamada pa un boto sospechoso.

Ta trata di un boto tipo “Go Fast” cu tabata e momentonan ey panort di awanan teritorial di Colombia.

E Zr. Ms. Van Amstel a wordo dirigi na e sitio indica, caminda a despacha e helicopter NH-90 pa dirigi ambos RHIB cu un boardingteam di e Guardacosta Mericano na e boto.

 

Pa ora e RHIBnan a yega, paketenan sospechoso a wordo tira den lama. Luz di e NH-90 a haci cu por a mira e paketenan aki y recolecta nan. En total dies pakete a ser recolecta, incluyendo tres mas abordo, y tres miembro di tripulacion a keda deteni.

Como cu e boto no tabata den condicion pa continua, e tripulacion a wordo hiba abordo e Zr. Ms. Van Amstel. Investigacion a mustra cu mas o menos 325 kilogram di cocaïne tabatin den e paketenan.

 

SEGUNDO INTERCEPCION

Prome cu e prome caso a conclui, un yamada nobo a drenta. E Dash-8 di Guardacosta a señala e Zr. Ms. Van Amstel rib’e anochi di 12 pa 13 di april, 2017, di un contacto sospechoso.

Pa e situacion aki a despacha e helicopter NH-90.

 

E boto sospechoso a nenga pa para ora e helicopter a duna señal pa haci esaki, pa cual a haci uzo di tironan di advertencia pa logra finalmente para nan. Ambos RHIB y e Law Enforcement Detachment (LEDET) di Guardacosta Mericano a wordo despacha pa borda e boto.

Dies cinco bala di cocaïne (di mas o menos 350 kilogram) a wordo confisca.

E tripulacion a wordo deteni y hunto cu e droga confisca a wordo entrega na e Guardacosta Mericano.

Top