Zr.Ms. Van Amstel atrobe cu dos interceptacion di droga

E stationsschip di Marina Real den Caribe, esta e M-fregata, Zr.Ms. Van Amstel, siman pasa a bolbe intercepta dos caso di droga, unda un total di como 1100 kilo di cocaïne a ser tuma den beslag.

 

E logro di capturanan aki, semper ta cu colaboracion di mas unidad, cu ta combati trafico di droga riba Laman Caribe.

Aki Zr.Ms. Van Amstel cu su NH-90, esta su maritime helikopter pa combatimento atrobe ta envolvi den di 3 y 4 captura di droga den un tempo relativamente corto.

Esaki tabata den colaboracion di avionnan di patruya Mericano y unidad di US Coast Guard pa pone man riba e boto contrabanda.

 

Van Amstel a haya informacion cu tin un boto chiquito masha sospechoso. E asina yama ‘go-fast’ a ser vigila pa avionnan di patruye Mericano.

Unabes den becindario, a manda e fregatta Hulandes, cu su  helicpternan NH-90 riba e boto y p’asina Van Amstel a tuma e tarea pa sigui vigila e boto sospechoso aki.

 

NH-90-nan a logra di detene e go-fast y a forza asina p’e boardingteam di Marine Mericano pa bay abordo, unda nan a detene 5 persona.

Debi na maltempo, cu olanan di 2.5 meter halto, a pone cu e miembronan di tripulacion tabata masha cansa.

Na nan detencion, a bin haya un cargamento grandi di droga pakete, cu tabata contene como 750 kilo di cocaïne.

 

DI 4 INTERCEPTACION DI DROGA DEN 10 DIA

T’asina cu dos dia despues cu e Boto di Marina Hulandes a yega Caribe, a intercepta un cargamento di droga. Den e accion aki como 330 kilo di cocaïne a ser tuma den beslag genomen.

Tambe n’e accion aki, a haci uso di e helicopternan di marina y combati NH-90.

 

Nan a percura pa controla un boto cu velocidad halto, te ora cu Van Amstel a yega serca. Despues di equipo di NH-90 a demostra na tripulacion di e go-fast, con nan por controla tur movemento riba alta mar, te despues di pone nan stop.

Maske cu e boto di motor aki, a trata di baha na awa, debi cu nan a bay cu alto velocidad, pero e helicopter di NH-90 asina a cuminsa cu un persecucion.

 

Hasta a los algun tiro di advertencia y asina a forza e boto aki pa stop su careda. Ni asina esaki no tabatin su efecto y e ora ey a dicidi di los tiro dirigi riba e motornan di e go-fast y asina a stop di boto.

Zr.Ms. Van Amstel e ora ey a pone su propio botonan di halto velocidad (RHIB) cu abordo e boardingteam di Guardacosta Mericano. Asina a logra detene e personal abordo y a confisca e material y pasa esakinan p’e boto di patruye Mericano.

 

STATIONSSCHIP DEN AREA CARIBENSE

Zr.Ms. Van Amstel t’e n’e momento aki ta masha exitoso den su mision den Caribe.

E M-fregatta di Marina Real a sa den 10 dia di tempo, pa confisca 4 cargamento grandi di droga.

Na nomber di Comandante der Zeemacht den area Caribense, Zr.Ms. Van Amstel ta haciendo su operacionnan anti-drug.

 

E fregatta aki y su tripulacion ta forma parti di e operacion permantente di combatimento multinationale di druga cu ta ser conduci p’e Joint Interagency Task Force South.

E fregatta ta opera den e Taskgroup unda e Commandant der Zeemacht den  Caribe tin e comando.

Combatimento di operacionnan anti-drug ta un di e tareanan principal di Defensa den area di Caribe.

 

Top