2 Señora di edad a wordo atraca na nan cas

Awe anochi a drenta informe di un atraco contra dos señora grandi den un cas na Tanki Leendert.

Segun informacion, un di e señoranan lo tabata tiñando su cabey ora cu e atracador a drenta y a bise na bon papiamento “dunami bo joyasnan, mi sa cu bo tin hopi”.

E atracador a drenta cara tapa y tabata papia papiamento, aparentemente un homber local.

 

Un di e victimanan a kere cu ta wega e homber tabata haci, y el a bise  “meneer stop di haci co’i loco”. Na e momento ey aparentemeente e homber a saca un revolver y pon’e na e señora su cabes. Acto sigui el a bay p’aden y pusha e ruman muher, cu tambe ta un hende grandi malo y a pone arma na su cabes.

 

Segun un di e señoranan a conta, e atracador a bandona e cas cu un tas preto cual tabata contene mas cu mil florin y paspoort di un di e señoranan.

 

A mira presencia di varios unidad di polis na e sitio y ambulans a wordo solicita na e cas.

Personal di ambulans a asisti e dama cu ta malo y cu a wordo pusha dor di e atracador.

Slachtofferhulp tambe a wordo pidi pa asisti e victimanan.

 

Leave a Reply

Top