AAA N.V, a confirma noticia di AWEMainta – AAA a yega na acuerdo cu operador nobo p’e Terminal di FBO/General Aviation, cu ta Windson Group

Recientemente Aruba Airport Authority N.V. (AAA) a anuncia na un di e companianan cu a participa den e proceso di haci un oferta publico pa por opera e terminal di FBO/General Aviation (GA) na Aeropuerto Internacional Reina Beatrix cu e compania a keda selecta como e operador preferi a base di e rekisitonan di e proceso di e RFP (Request For Proposal).

Di e forma aki AAA N.V. a confirma e noticia aki di parti di AWEMainta.

 

E proceso pa formalisa e contract a tuma lugar cu e operador aki cu a wordo selecta y dia 31 di december 2017, AAA a logra firma e acuerdo di huur y concesion cu W. Aviation FBO Aruba N.V. (i.o.) (W Aviation Aruba).

E operador lo cuminsa maneha y opera e FBO/GA Terminal na Aeropuerto Internacional Reina Beatrix for di 1 di januari 2018.

W Aviation Aruba lo opera un full-service FBO brindando fuel pa avion, handling di avion, servicionan adicional, servicionan di cliente, di concierge, parkeo di avion, sosten cu Aduana y ground handling. E horarionan di operation lo ta di 09:00 -21:00 y reservacion por wordo haci na csraruba@waviation.net .

 

W Avaition, un red di primera clase di “fixed base” operacionnan internacional, ta un division di e compania priva Windsor Group basa na Fort Lauderdale.

E compania ta duna servicio na comunidad di aviacion cu atencion riba e mercado internacional, por medio di nan modelo di opera Fixed Base Operations multi canal (situa na Fort Lauderdale, Florida, Caracas, Venezuela y awor na Oranjestad, Aruba), servicionan di charter y maneho di avionnan.

W Aviation y Windsor Jet Management ta emplea aproximadamente 100 empleado den tur nan companianan .

 

 

 

Leave a Reply

Top