Abogado di Jurandy alias Payo tambe a kritika fiskal fuertemente

Den e proseso di asesinato di e panadero/trafikante makamba Sven Prins, abogado di e antiano Jurandy alias Payo, tabata Serge Weening.

Weening a akusá Ministerio Publiko di ta basa nan argumentashon riba e tema pa logra nan meta pa eliminá tur faktor na fabor di su kliente i presentá solamente ehèmpelnan ku ta perhudiká Payo.

Ku esei Ministerio Publiko kier a logra pa wes kondená su kliente pa asesinato premeditá.

Abogado Weening a splika e tribunal ku Sven Prins a yega di tira riba e sospechoso Xionel B. kende a haña tiru na su brasa.

Foi dje tempu ei Xionel i su amigunan ta kana armá pa kualke eventualidat ora nan ta den nan wega di negoshi di droga i oro.

E abogado a splika e wesnan ku e anochi ku a tira Prins mata, ta pa kasualidat nan a topa otro i no tabata un enkuentro premeditá.

E verbalnan ta papia palabra kla den e direkshon pero fiskal a keda insisti ku e trio di Antiano tabatin un konflikto ku Sven Prins i p’esei nan a mat’é.

E abogado a splika e wesnan ku ta mongol mes su kliente mester tabata pasobra tur hende den e ambiente di kriminalidat sa ku e trio antiano tabata amigu di otro.

Top