Anthony Giel a cumpli 25 aña trahando den servicio di Gobierno

DEN HAAG –  Anthony Giel e aña aki ta cumpli 25 aña di servicio den Gobierno di Aruba y den e caso aki 25 aña na Cas di Aruba.

Anthony Giel a cuminsa na 1991 den cual aña e Minister Plenipotenciario n’e momento ey den persona di sr. Roland Lacle (dfm) a regresa Aruba pa ocupa e puesto di Minister di Finansa y sra. Ella Tromp-Yarzagaray a tuma e puesto na Den Haag.

Durante di su 25 aña di trabao na Cas di Aruba, Anthony Giel a ocupa diferente funcion y actualmente e ta respondabel p’e sistema digital y e ta facilitair manager.

 

Anthony Giel banda di su trabao ta hopi envolvi cu musica. Asina e ta fundador di e banda Saborrr cu ta toca na diferente festival Arubiano manera Festival di Dande na Rotterdam y Fiesta di San Juan na Tilburg.

Un pabien di parti Minister Plenipotenciario Guillfred Besaril, Directora interino Shandra John y tur su coleganan cu ta traha na Gabinete di Aruba.

(Potret ta cortesia di Cas di Aruba.)

Top