Arthur Dowers di AVP : MEP den oposicion a bisa tin problema, pero 3 Minister a biaha caba

Durante un conferencia di prensa di fraccion di AVP den Parlamento, e Parlamentario Arthur Dowers a bisa cu palabra fuerte cu e dos autornan di CAFT ta Evelyne Wever Croes y Xiomara Ruiz Maduro.

AVP a pasa den un Gobernacion di 8 aña unda cu un delegacion di oposicion (MEP consistiendo di AWever Croes y Ruiz Maduro)) a bay Hulanda cu un plan den man pa pidi Hulanda introduci CAFT. AVP a trata pa esaki mester ta algo temporal, y MEP di su banda a lanta e hendenan y a purba di kima Bestuurskantoor, causando un desaster. Tur esaki siendo ta nan mes a pidi pa CAFT a bini Aruba.

MEP semper a bisa cu e asunto principal pa nan ta e situacion financiero di Aruba. Tur siman Ruiz Maduro ta lesa datonan cu e ta ricibi for di Nilo Swaen, kende ta esun cu tabata dirigi e Parlamentario aki, awe Minister, cu no por haya solucion su mes. E tin haya ayudo di ex Minister di medida Nilo Swaen.

Dowers a bisa cu loke nan ta haya straño cu un partido cu a bisa cu nan ta bin pa drecha e situacion financiero, y e prome cos cu nan ta bisa cu nan no por cumpli cu loke nan a priminti. “E prome paso cu e Minister President di pais Aruba a tuma ta pa bay haci compras na Miami. Si bo ta bisa cu tin un situacion di crisis, tur e Ministernan lo mester ta sintando hunto dia aden dia afo kibrando cabes “manera nos a haci tempo cu nos a drenta Gobierno”, Dowers a bisa. “Boso a priminti cu boso ta bin soluciona e problema financiero; cu boso ta reduci Minister di 9 pa 7, no solamente a pone 9 Minister y a pone Secretario di Estado, algo cu nos constitucion no tin regla.”  Tambe dos otro Minister ta di biahe, siendo cu nan ta bisa cu ta bay duro pa soluciona e situacion financiero y no ta haciendo esaki.

E ta haya cu nan ta serio den nan intento, pa un problema cu nan ta bisa ta existi, anto tur hende mester ta sinta na mesa deliberando riba e situacion.

 

Leave a Reply

Top