Artistic Swimming – Heart of a Swimmer, Soul of a Dancer

E aña aki Federacion Internacional di Landamento (FINA – Fédération Internationale De Natation) a cambia e nomber di e deporte “Synchronized Swimming” pa “Artistic Swimming”.

E cambio aki tin como meta p’e publico en general por compronde cu e landadornan mester ta synchronisa cu e musica ora di e rutina.

Si bo persona a yega di presencia un rutina (show) di landamento artistico, por admira e detayes nan di cada rutina cual ta ensera oranan di entrenamento pa perfecciona cada movecion. Pa por realmente competi internacionalmente atletanan mester prepara por lo menos 9 – 12 luna adelanta.

 

Barracudas Aruba ta inicia e temporada di preparacion pa 2018 den full swing cu varios evento. Cuminsando cu e competencia di ASU den september, sigui p’e competencia di figuranan completamente nobo cu a tuma lugar den november.

Atletanan di categoria 12&U a demostra figuranan: Kip, Swordfish, Swan y Water Drop. Mientras cu atletanan di 13-15 a demostra figuranan: Albatross 1⁄2 Twist, Swordtail, Porpoise Continuous y Seagul.

 

E top 3 atletanan p’e categoria di 12&U: Mikayla Morales 55.4178; Ambar Silva 52.8728 y

Sofia Cardona            52.7372.

E top 3 atletanan pa categoria di 13-15: Sarah Silva            62.3840; Avigayle Tromp 58.2241; Ariana Dijkhuizen 57.7137.

 

Un pabien ta bay na tur atleta cu e resultadonan. E trabou incansabel di e coaching staff y dedicacion di e atletanan mes ta di elogia, pasobra ta ripara claramente cu e atletanan ta mehorando.

Den liña cu e metanan di e organisashon, Barracudas Aruba recientemente a organisa un Trainings Camp cu Lori Eaton, un coach internacional, head coach na Lindenwood University. Bou su liderazgo, e ekipo Lady Lions di Lindenwood University a posiciona den e mihornan na Estados Unidos. E camp a inicia dia 26 di november y a culmina diasabra ultimo.

 

“Nos ta trahando duro hunto cu nos coachnan local y internacional pa stimula y sigui desaroya e atletanan. E meta semper ta pa tene Aruba su nomber halto internacionalmente.” Sra. Memita Gomez, Presidente di e club ta comparti.

Nos siguiente actividad lo ta diasabra 9 di december @9:00am, unda lo tuma lugar e competencia Mini Arubaanse Kampioenschappen y tur atleta di Barracudas lo participa den categorianan Beginners, 10 and under, 11-12, 13-15 y Juniors.

Ta cuminsa cu e figuranan di Beginners, sigui p’e rutina nan y despues lo tin entregamento di medaya. Barracudas Aruba ta invita e pueblo di Aruba pa bin admira y presencia e evento aki.

Leave a Reply

Top