Aruba Soccer Academy hunto cu Sparta Rotterdam cu Tremendo Camp di futbol pa hoben durante vakantie di Pasco Grandi

Aruba Soccer Academy ta orguyoso di anuncia e prome camp di futbol den colaboracion cu Sparta Rotterdam cu ta bay tuma lugar aki na Aruba.

Sparta Rotterdam t’e club di futbol profesional mas bieu di Hulanda (for di 1888), y tambe ta un di e fundadornan di futbol profesional di e pais aki.

 

Hunto cu e club aki, cu ta den Eredivisie, Aruba Soccer Academy ta organisando un futbol camp di 2 pa 6 di april pa hoben entre 4 pa 14 aña. E camp tin un prijs di Afl 250. P’e prijs aki cada mucha ta ricibi extra banda di training, un uniform set completo di e marca di calidad Robey, certificado di participacion, un album digital, y fruta y coy bebe tambe ta inclui.

E camp ta bou di guia di top coachnan di Sparta Jeugdopleiding, cu apoyo di e coachnan certifica di Aruba Soccer Academy.

 

Un di e coachnan cu lo tey presente ta Dolf Roks, Hoofd Jeugdopleider di Sparta, kende lo ta sigur pendiente di cualkier talento hoben futbolista Arubiano.

E Sparta Camp aki no lo ta posibel sin apoyo di sponsornan, y Aruba Soccer Academy kier a tuma espacio pa gradici tur sponsor.

Aruba Soccer Academy ta invita e hobennan di Aruba pa registra liher, ya cu cupo ta limita.

 

E prome 50 inscripcionan ta haya un par di flip flops regalo di Arubiano. Probecha di e oportunidad unico aki di train bou guia di coachnan di Sparta su Jeugdopleiding cu ta reconoci na Hulanda como un di e mihornan.

Nombernan conoci cu a yega di gradua di Sparta Rotterdam su Jeugdopleiding ta Memphis Depay, Georginio Wijnaldum, Kevin Strootman y Jetro Willems kende ta di nos hermana isla Corsou.

 

Pa registra por tuma contacto cu coach David Abdul di ASA na telefon 592-5235 of manda un email na arubasocceracademy@gmail.com of por bishita nos Facebook page ASA – Aruba Soccer Academy.

 

Leave a Reply

Top