Aruba Softball Bond a entrega su Plan 2018 na Subsidie Commissie conforme e deadline

Manera tur aña Federacionnan ta ricibi oportunidad pa entrega nan “wenselijke begroting” pa cu e aña binidero. 3 di November 2017 tabata e “deadline” pa tur Federacionnan na Aruba entrega nan Plan 2018. Subsidie Commissie tin su richtlijnen cual cada aña sa wordo ahusta. Di acuerdo cu richtlijnen 2018 di Subsidie Commissie Aruba Softball Bond a percura pa entrega nan Plan. Entreotro mester percura pa entrega tur admistratie di e aña anterior pues di 2016, Relato di Secretaris, tur projectonan realisa den 2016 cu recibonan original, Bankboek, Kasboek, jaarkalender 2018, Plan 2018, cada projecto cu su begroting detaya etc etc. ASB conforme esaki a entrega 3 di November ultimo un peticion amplio cu ta consisti di 79 pagina. Pues directiva di ASB a hasi un trabow pisa den luna di october pa por a logra esaki. Commision di Subsidio lo reuni y studia tur e peticionnan y lo manda un recomendacion pa minister di Deporte. Fin di December 2017 minister di Deporte nobo esta Danqui Oduber lo firma y aproba pa cada Federacionan  kiko ta e suma cu nan lo ricibi pa cu projectonan riba planes pa aña 2018. ASB tin den su peticion (2) peticion interesante y nobo. Uno pa organisa campeonato Femenino di CONSURSA na Aruba den luna di october 2018. E otro ta pa trese 5 pitcher masculino di Venezuela unda lo brinda 5 equipo di ASB cada un un  pitcher di alto nivel y hunga 4 a 5 siman un campeonato “Liga Special” intensivo y asina desaroya nos ofensa mas y mas na nivel internacional ricibiendo oportunidad di mira lansamentonan cu nos no ta mira hopi na Aruba. Alaves e pitchernan aki mester educa y train pitchernan hoben den e team cu nan bay hunga pe. Tambe lo stipula e regla cu e pitchernan aki por lansa maxino 7 inning den cada dobble header esta sea un wega completo of 4 inning promer wega y 3 den e di dos wega. Asina un pitcher local tambe mester lansa 7 inning den dicho double header. Esaki ta pa stimula desaroyo di nos pitchernan. ASB den pleno preparacion pa introduci ideanan y campeonatonan nobo banda di esnan standard cu lo continua igual. Deporte den pleno desaroyo.

Top