Aruba Softball Bond ta participa: Clinica pa Umpires cu instructor internacional di WBSC

Di 22 pa 26 di januari

 

 

 

Aña 2018 a habri y por tuma nota cu Aruba Softball Bond a cuminsa mobilisa y ta activo di inmediato.

Despues cu teamnan miembro a escohe un directiva nobo, e directiva a inventarisa tur proyecto y a cuminsa eherse nan trabou mesora.

 

Dentro di poco lo yama reunion cu atletanan tanto di pre-seleccion femenino y masculino,  kendenan lo inicia cu nan preparacion pa compromisonan internacional den 2018.

 

Tin un plan 2018 hopi pisa unda lo percura pa desaroya softball riba tur nivel.

Den cuadro di esaki ASB ta treciendo un instructor di umpire pa duna un clinica na tur umpires cu ta interesa.

 

Debi cu durante ultimo Congreso Mundial na Botswana, Africa, miembronan a aproba diferente cambio den reglamento, a bira sumamente importante pa trese un instructor pa actualisa nos umpires local.

 

Tambe ASB ta hasi un apelacion na managers y coaches di tur team miembro di ASB, pa por acudi na e seccionnan aki.

Esaki lo duna nos managers y coaching staff mas conocemento, y por traspasa e conocemento aki na hungadornan y asina evita discusion riba aspectonan cu no mester.

Hunto nos lo lo hiba deporte di softball pa un otro nivel.

 

Pa mas informacion alrespecto e clinica di umpires por tuma contacto libremente cu miembro di bestuur di ASB, Estefano Croes na 5949894, of coordinador di umpire, Zuleyka Willems, na 5932721.

Leave a Reply

Top