Aruba Table Tennis a celebra Dia di Betico 2018 unda chikito y grandi a disfruta di un bon torneo

Durante 4 dia largo, Federacion di Tenis di Mesa, ATTA a tene su torneo di ping pong en conexion cu celebracion riba Dia di Betico 2018. Ya for di siman pasa a cuminsa cu e categoria di dama y masters.

Den catgeoria di dama, nos a haya na prome lugar Mikayla Mathilda, sigui pa Zury Ruiz cu a keda na di dos lugar, mientras cu Joseline Boekhoudt a keda na di tres lugar.

 

Den e categoria Masters, e bataya tabata uno fuerte unda James Letren ta sorprende tur hende y ta logra keda na di prome lugar. Na di dos lugar a termina Franklin Lopes, mientras Alfred Leong a keda na di tres lugar.

Dialuna e competencia a sigui den e categoriannan mas hoben cu t’e U11 y U15 esaki na Club Estrella.

 

Den e categoria U11 nos a haya na prome lugar e hobencito, Dylan de Leca, sigui pa su ruman Brandon de Leca cu a keda na di dos lugar y na di tres lugar a keda Nathan Lobo.

Den e categoria U15, nos a haya Robert Dirksen  cu a conkista e prome lugar sigui pa Bob Chung kende a keda na di dos lugar y Mikayla Mathilda cu a sali na di tres lugar.

Diamars anochi Copa Betico Croes 2018 a continua den e categorianan B Klas y Open Klas.

Pa loke t’e resultadonan final mester bisa cu den B klas prome lugar a bay pa Alfred Leong, mientras na di dos lugar a keda Wing Chow Leong y na di tres lugar a keda Mikayla Mathilda.

 

Den e categoria Open Klas nos a haya na prome lugar, Mario Lobo na di dos lugar Andy Gomes y na di tres lugar ChingHo Chung.

Lotto, e Loteria di Aruba cu pa medio di Stichting Sportsubsidie Aruba cu a subsidia e eventonan deportivo ta felicita Aruba Table Tennis Association cu e torneo relaciona cu e Copa Betico 2018.

Leave a Reply

Top