Atraco Team a detene un atracado peligroso

Awe madruga en conexion cu un investigacion andando a detene un homber di nacionalidad Colombiano LFVH di 34 aña.
Segun e informe di Polis, e homber aki LFVH ta wordo sospecha di a atraca un establecimento den area di Madiki na juni 2017. Ta considera e homber sumamente peligroso pa es motibo aki haci uzo di arrestatie team pa detene e sospechoso. E detencion a tuma luga den un compleho di apartamento den Bilderdijkstraat. No ta descarta mas detencion den e investigacion aki.
Awo autoridadnan ta bay interogue y trata di saca afo den cual otro casonan e lo ta envolvi. No mester lubida cu recientemente, na inicio di aña, tabatin un atraco cu a tuma luga den e mesun area unda cu e sospechoso aki a wordo deteni.
Pa Cuerpo Policial por resolve mas caso cooperacion di pueblo di Aruba ta hopi importante p’sey nan ta pidi si bo tin cualkier informacion yama e tiplijn di KPA: 11141.

Leave a Reply

Top