Barco di Marina Hulandes, Van Speijk a scapa 9 naufrago

Personal di Zr. Ms. Van Speijk diasabra ultimo, a logra na scapa naufrago for di un boto Panameño, cu tabata nabega den Mar Caribe. Tabata un avion di patruya di Guardacosta di Caribe Hulandes, a  descubri e barco aki e anochi anterior.

Zr.Ms. Van Speijk cu tabata den becindario, a dicidi di cambia di rumbo pa bay controla e barco aki, cu tabata haci awa y tabata zink.

 

Net e momento ey, e barco tabata na candela y e barco no tabata manehable mas. E 9 miembronan di tripulacion (6 Venezolano, 2 Colombiano y 1 Dominicano) a dicidi di bula na awa. Cu asistencia di e NH-90 helicopter y botonas mas chiquito di Van Speijk a logra saca e naufragonan aki for di awa y por a salba nan y asina pone nan abordo di Van Speijk, cu a percura pa nan cuido tambe.

 

E barco aki den e anochi a zink, pero cu esey Van Speijk a tuma nota cu e barco aki lo no borma ningun peliger, pa despues entrega e naufragonan aki na Aruba, unda e autoridad local lo sigui cu e investigacion. Ta ser sospecha cu e barco aki, tabata transporta droga, pero como cu el a kima no por a confirma esaki.

 

 

Leave a Reply

Top