Bin celebra Dia di Betico cu nos Mercado Santa Rosa

Nos ta den temporada di Carnaval cu hopi t’esnan cu tin planea ful un agenda p’asina celebra e fechnan aki mas posibel cu participacion den diferente actividad di Carnaval.

Aki na Santa Rosa nan ta den ful swing cu preparacion pa celebracion di nan prome mercado p’e aña aki na Santa Rosa riba Dia di Betico cu ta dia 25 di januari proximo. Un celebracion cu lo priminti di bira un exitoso pa motibo cu esaki ta un dia liber y caminda tur hende ta busca un caminda pa sali y celebra e dia aki den grandi.

 

Nos mercado semper cu ta conta semper cu e sosten completo di pueblo di Aruba pa cu nos productonan local.

Mercado Santa Rosa conhuntamente cu celebracion di Dia di Betico cu lo cuminsa for di 8’or di mainta te cu 1’or di atardi aki mes na Santa Rosa. Bin pasa un rato ameno.

Concepto di e mercado aki lo bay ta poco diferente, pero si cu e mesun bon surti cu nos productonan local.

 

E logistica lo ta bay ta parti patras di nan edificio caminda tin varios mata di fruta planta. Aki nos ta bay acomoda nan tentnan pa nan productornan local p’asina  brinda nan servicio na publico cu lo ta presente riba e dia aki.

Varios t’esnan cu a confirma caba p’asina ta den nos mercado di Dia di Betico 25 di januari.

Pa menciona algun di productonan local cu lo ta localisabel den nos mercado ta nos artesanonan cu diferente obra di man manera casnan Tipico Arubano miniatura.

 

Diferente cos gehaak cu ta masha gusta awendia. Remedinan di tera manera Gember, Miracle Cold & Flu, Azeta di Coco y mas.

Productonan di Aloe tanta pa Cabey, Cara y Cutis cu solamente ta obtenibel durante di nos mercado. Otro di nos productonan local t’e diferente liqour, Jam, Stropi, Biña di Casho y diferente otro sabor.

No por falta den nan mercado un bon pasaboca manera un dushi bolo traha na cas manera di Pruim, Fruta, Pineapple of drigidek.

 

Tur esaki den nos mercado di Dia di Betico. P’e plato crioyo p’e dia aki no por falta. Un cushina bon prepara cu manera Cucumber Stoba, Papaya Stoba, Cabrito Stoba, Sopi Cabrito, y hopi mas pa menciona. Fruta y berdura fresco tambe lo bay tin y diferente mata.

No por falta nos “Kid’s Corner” p’e muchanan keda bon entreteni. Nos invitacion cordial ta keda na bo p’asina bo yega un rato aki na Santa Rosa su Mercado conhuntamente cu celebracion di Dia di Betico pabo pasa un rato ameno y placentero manera un famia for di 8’or di mainta te cu 1’or di atardi.

 

Top