CBIA ta reakshoná rib’e adaptashon di primanan di seguro

Curaçao and Bonaire Insurance Association (CBIA) a tuma nota di e reakshonnan riba e komunikado den prensa dia 17 di novèmber 2017 tokante adaptashon di primanan “Wettelijke aansprakelijkheidsverzekering (WA) motorrijtuigen i ta deseá di aklará lo siguiente.

Sigun lei, “WA Motorrijtuigenverzekering” ta un seguro obligatorio. Lei ta stipulá e primanan máksimo pa un seguro WA. For di un prinsipio kompanianan di seguro a ofresé e seguro akí na komunidat. Manera a informá den nos komunikado anterior, desde 1999 no a adaptá e prima máksimo pa seguro WA. Den e periodo ku a sigui a surgi diferente desaroyo ku a resultá den situashonnan di pèrdida grandi pa e kompanianan di seguro, entre otro:

– Oumento di inflashon: inflashon akumulá durante e periodo akí tabata mas ku 40%. (mira sifranan di Centraal Bureau voor de Statistiek).

– Bahada signifikante den entrada di prima, mirando e echo ku tin un kantidat grandi di vehíkulo ta partisipá den tráfiko sin seguro.

– Oumento signifikante di e karga di daño, okashoná pa entre otro:

o Oumento di e kantidat di aksidente di tráfiko. Un indikashon: den 2010 tabatin un averahe di 30 aksidente di tráfiko pa dia. Den 2017 ta spera ku e averahe ta subi bira 40 pa dia. Un oumento di mas o ménos 25%. Kompará ku 1999 e porsentahe ta hopi mas haltu.

o Oumento di pagonan di daño okashoná pa aksidente di tráfiko kaminda a surgi daño físiko.

o Oumento di gastunan pa drecha vehíkulonan di motor ku a sufri daño.

o Gastunan mas haltu pa loke ta hürmentu di outo, pa motibu ku riba merkado lokal tin un stòk limitá di piesa pa vehíkulonan di motor. Mester buska esakinan den eksterior loke ta dura mas largu.

 

Konsekuensha di e desaroyonan ariba menshoná ku ta kai pafó di esfera di kòntròl i influensha di kompanianan di seguro ta, ku e gastunan ta hopi mas tantu ku e primanan ku ta drenta. Esaki ta pone ku kompanianan di seguro tin pèrdida signifikante riba seguronan WA pa vehíkulonan di motor. P’e motibunan akí a pidi gobièrnu na diferente okashon pa adaptá e primanan WA. Mirando e desaroyonan menshoná ariba ta bastante rasonabel ku al final a honra e petishon. Gobièrnu tambe a respaldá e nesesidat.

A base di e kambio resien den lei, kompanianan di seguro por konsiderá si nan ta deseá di adaptá e prima WA. Ademas, artíkulo 2 di e “Ministeriele regeling met algemente werking” (PB 2017 no. 80)” ta stipulá Bank Account nr. 699.85.010 MCB – Chamber of Commerce nr. 127131

 

ku no ta permití pa un prima básiko nobo ta mas ku ANG 100 florin mas karu ku e prima promé ku e areglo nobo a drenta na vigor. Esaki ta konta pa outonan di persona ku tin un balor di katálogo entre 20.000 i 45.000 i ku un suma sigurá di 90.000,00.

Lo apliká e oumento di 13.5% riba e prima despues ku a dedusí e deskuento di no-claim.

 

Pa mas klaridat e siguiente ehèmpel: E prima pa un outo di persona ku un balor di katálogo di ANG 35.000,00 sigun e areglo bieu tabata ANG 686,00. Oumento di e prima lo pone ku e prima básiko máksimo lo bira ANG 779,00. Esaki ta nifiká un oumento di ANG 93,00. Den kaso ku e asegurado tin un deskuento di no-claim di 50%, ta apliká e deskuento akí riba e èkstra prima ku mester paga tambe. Den e ehèmpel akí e ora ei e oumento lo ta ANG 46,50.

CBIA ta enfatisá ku adaptashon di e primanan WA no ta obligatorio. Kompanianan di seguro por disidí a base di nan propio maneho kua adaptashon nan lo apliká. Kisas ta bon pa menshoná akinan ku a base di artíkulo 3 di e Proyekto di lei tokante kompetensha (PB 2016 no. 16), trahamentu di akuerdo di preis entre nan ta prohibí. CBIA a pidi su miembronan pa apliká e koutela nesesario pa ku un eventual adaptashon di prima.

Pa loke ta trata e reakshonnan di organisashonnan di bùs privá, CBIA ke rekordá ku gobièrnu a bai di akuerdo pa oumentá tarifanan di bùs pa motibunan ekonómiko (gastunan di gasolin i disel ku a subi) durante añanan ku a pasa. CBIA ta konsehá e organisashonnan di bùs pa konsiderá pidi oferta serka e kompanianan di seguro pa asina nan por haña tarifanan mas atraktivo ku ta apliká pa seguronan kolektivo. Pa por bini na remarke pa esaki mester ta eksistí un historia di daño faborabel si.

Leave a Reply

Top