CIBC FirstCaribbean a recauda 18 mil florin pa “ Fundacion Contra Cancer di Prostaat”

CIBC FirstCaribbean a logra recauda e suma di 18 mil florin cu nan prome “Walk for the Cure” caminata y fundraising event. E montante completo a wordo entrega na e presidente di e “Fundacion Contra Cancer di Prostaat” Señor Jurgen Benschop.

Esaki sigur tabata un gran exito unda cu e team completo di CIBC FirstCaribbean conhuntamente cu e representantenan di e Fundacion Contra Cancer di Prostaat, kier gradici tur persona cu di un forma of otro a yuda na e exito aki.

CIBC FirstCaribbean no por a logra e meta aki nan so. Esaki a sosode danki na participantenan cu a contribui na e dos eventonan organisa cual tabata e “Fitness Event” riba 30 di Augustus 2017 y e caminata cu a tuma lugar dia  8 di Oktober 2017. Ademas e ayudo di e organisacionnan gubernamental, no-gubernamental, empleado di CIBC FirstCaribbean, y comerciantenan.

CIBC FirstCaribbean ta presente den ful e region di Caribe y e banco ta comprometi pa yuda e comunidad unda cu nan ta estableci. E caminata di “Walk for the Cure” ta wordo organisa tambe door di tur e sucursalnan den Caribe den luna di Oktober, ya cu esaki ta e luna di conscientisacion di Cancer. E caminata na Oktober ta e evento final pa logra recauda mas fondo posibel pa asina e organisacion escogi tambe por logra su metanan.

CIBC FirstCaribbean kier informa comunidad cu pa e aña siguiente Aruba lo bay tin e caminata “Walk for the Cure” un biaha mas den luna di Oktober, cual lo bay tin hopi sorpresa y eventonan relacionan pa cu esaki. E meta principal ta pa recauda mas hopi fondo posibel y yuda un organisacion di Cancer na Aruba. Nan meta tambe ta pa por yuda nan pashentnan y famianan cu ta pasa momentonan duro. Pero tambe yuda conscientisa nos comunidad.

CIBC FisrtCaribbean y Fundacion Contra Cancer di Prostaat sigur kier bisa GenAir, Aledda N.V., Terraza Holding, The Seaport Cinemas, Click Print, Safecom, Red Cross Aruba, Save A Lot, Total Cleaning Services, Fruteria Virgilio, IBISA, Caribbean Trucking, Patrick Melchiors, Haysem Winterdaal, Yadira Leter, Gladys Duarte, Alexei Spinoza,Tatiana Gil, Juan David Maestre, Aruba Airport Authority, Massy Insurance, High Performance, Dj Vibes, BrandTastic, DHL, Gerira Marketing, Andina Ice y CRD Group un biaha mas MASHA DANKI.

 

Top