Cuerpo Policial a anuncia fecha y requisitonan p’e temporada di campamento

Relaciona cu Siman Santo caminda cu nos concuidadanonan tin e custumber di bay campa, Alto Comisario di Polis, mr. Adolf  E. Richardson a haci un yamada fuerte na e campadornan pa tene cuenta cu e condicionan bao di cual e permiso ta wordo otorga.

 

E fecha riba cual nos campadornan por cuminsa campa ta diadomingo 25 maart 2018 pa 12’or di merdia. Kiermen riba e fecha y ora stipula ta permiti pa pone trailer y tentnan riba nos beachnan.  Tur obheto cu wordo poni prome cu e fecha y ora stipula lo wordo kita pa Polis.

E ultimo dia di campa lo ta dia 8 april 2018, despues di campamento tur obheto mester wordo kita for di beachnan.

Si esaki NO sosode anto Polis lo kita esakinan riba gasto di e campado.  Pesey un yamada ta bay na un y tur pa mantene nos beachnan limpi. Deposita tur desperdicio den bari di sushi of den saconan di plastic.

 

Formulario pa pidi vergunning pa campa ta obtenibel na Administracion di Polis for di dia 8 januari 2018 te cu dia 9 maart 2018 entre 08.00 pa 11.30’or y 13.00 pa 16.30’or. Formulario ta obtenibel na tur Warda di Polis.

N’e permiso a wordo añadi condicionan extra compara cu añanan anterior.

 

  1. Riba e santo blanco di e beachnan bao ningun circumstancia ta wordo permiti pa haci B.B.Q., na otro parti solamente por haci B.B.Q. cu B.B.Q. pit di
  2. Tent y trailernan cu ta wordo usa pa campa mester ta den bon condicion. Nan mester wordo poni a lo menos 10 meter di e oriya di lama y nan mester wordo poni a lo menos 5 meter for di e caminda publico. Si no nan ta wordo kita pa Polis.
  3. Bao ningun forma ta wordi permiti pa reserva tereno pa campa.
  4. Tent, trailernan y otro obhetonan cu ta wordo usa pa campa no por wordo poni riba otro lugarnan cu t’e lugarnan cu ta destinan p’esakinan y cual lugarnan a wordo destina pa Gobierno.
  5. Den tent/trailernan mester tin suficiente recursonan pa loke ta trata dunamento di prome auxilio. (E.H.B.O.)
  6. Ta prohibi pa pone na tent/tráiler, obhecto of plachinan cu no ta cuadra cu moralidad.
  7. E campamento mester sosode conforme e condicionan bao di cual e permiso a wordo otorga.
  8. Ta prohibi di core cu vehiculonan di motor, bicicleta, cabay y garoshi riba nos beachnan y principalmente na lugarnan caminda ta destina pa publico.
  9. Ta prohibi di pega candela riba nos beachnan.
  10. Ta prohibi di bende cuminda, softdrinks, mixdrinks, of cualkier otro tipo di articulo riba beach sin permiso.
  11. Musica por wordo toca solamente fo’i den trailer of tent den siman te 10.00 p.m y den weekend te 12.00 p.m. y di tal manera cu otro campadornan no ta wordo molestia. E uso di sound system/amplifiers etc. ta wordo permiti solamente si otro campadornan no ta sinti molester di esakinan.
  12. Ta prohibi pa kap mata, sin permiso.
  13. Ta prohibi pa core cu boto y pa ancra den zwemzone, tambe ta prohibi pa mara boto na boeinan cu ta destina pa scheepvaart.
  14. Ta prohibi e uso di palet y carton riba beach, sino nan ta wordo kita dor di Polis.
  15. Ta prohibi pa usa e beach of e palo di coconan como toilet.
  16. Ta prohibi pa tin cabay y cacho riba beach.
  17. Ta prohibi p’e campadornan usa e hutnan pa nan campa, nan ta wordo laga liber p’e personanan cu ta bin pasa dia.
  18. Bou ningun circumstancia mag di susha e Boternan kibra, splinter di glas no mag di wordo laga atras riba beach, ni tampoco no tira esakinan den lama. Esaki ta conta pa desperdicio tambe.
  19. E permiso no mag di wordo pasa pa otro persona.
  20. E poseedor di e permiso mester tin esaki completo den su tent/trailer na un caminda visible pa Polis.
  21. E poseedor di e permiso mester tene cuenta cu e tin solamente derecho riba e lugar di campa durante e tempo cu efectivamente e ta campando, prome cu esaki bo no mag di reserva, marca, pone cabuya ect …
  22. E poseedor di permiso ta keda responsabel pa cualkier daño na otro debi na existencia di su tentnan/trailer of otro obheto.
  23. Indicacionnan di Polis duna na interes di ordo publico y seguridad di persona, bienes y basa riba moralidad mester wordo sigi estrictamente.
  24. Ta prohibi pa usa e hutnan pa campa, nan ta keda liber pa e usuarionan den dia.
  25. Esun cu no actua conforme e condicionan bao di cual e permiso a wordo otorga ta wordo considera di a actua sin permiso. E permiso e ora ey ta wordo revoca y bo por haya proces verbaal.

 

Ultimo dia pa haci peticion pa campa ta 9 di maart 2018.

 

 

Leave a Reply

Top