Den cuadro di preparacion pa presupuesto, MEP su fraccion a bishita Cuerpo Policial, Brandweer y Ministerio Publico

Fraccion di MEP ta preparando pa tratamento di presupuesto, cu lo tuma lugar aki par di siman. Den cuadro di e preparacion cada Parlamentario ta bishita departamentonan cu ta resorta bou di e diferente ministerionan.
Siman pasa e Parlamentarionan, sres. Rocco Tjon, Hendrik Tevreden y Edgard Vrolijk a bishita Cuerpo Policial, Brandweer y Ministerio Publico.

Tres reunion hopi ameno y informativo. Importancia di e reunionnan aki tin di haber cu e hecho cu ta haña tende for di cada departamento kico nan prioridadnan ta y e vision cu nan tin pa sigui eleva e diferente cuerponan.
P’e Parlamentarionan esaki ta importante pa sa ora di analisa e presupuesto y e nota di maneho di e Minister.

Pa haci bo trabou manera debe ser como Parlamentario ta importante pa sa kico e deseonan di e departamento ta, y kico a wordo presupuesta realmente.
E siman nos dilanti, lo sigui cu e bishitanan p’asina haya un mihor bista riba e necesidad di cada departamento y e maneho pa loke ta trata e departamentonan cu ta resorta bou Ministerio di Husticia, lo bishita CEA y KIA.

Leave a Reply

Top