Den e paisnan den Reino…. Kumbre Ministerial di Hustisia a diskuti riba Areglo di Detenshon

WILLEMSTAD – Un otro punto ku e minister di Hustisia di Reino a diskuti ariba tabata e pasonan pa yega na un Areglo di  Detenshon entre e paisnan lokual ta krea posibilidat di detenshon di detenidonan den e diferente sentronan di detenshon den Reino.

Esaki riba petishon spesífiko i debidamente motivá di parti di e detenidonan mes òf di kualke otro entidat hudisial.

E paisnan a deliberá tambe riba diferensiashon di régimen penitensiario pa yega na diferente tipo di sentro di detenshon teniendo kuenta ku entre otro detenidonan ku tin mester di kuido sikológiko/sikiátriko òf kualke otro tratamentu spesífiko.

Un otro aspekto di kombatimentu di krímen ku a trata durante di e kumbre hudisial ta e parti di prevenshon. A elaborá tokante programanan di prevenshon entre e paisnan ku ya ta dunando resultado den bahada di sifranan di kriminalidat i a yega na akuerdonan pa ku koperashon entre e paisnan pa e próksimo añanan.

 

Evaluashon di RST

Un tema relevante ku nan a trata un biaha mas durante di e kumbre ministerial ta  evaluashon di RST.

Den e kummbre na Sint Maarten di yüli 2017 e ministernan di Sint Maarten i Kòrsou a ekspresá e nesesidat pa un evaluashon di RST durante e kumbre ultimo aki  na Kòrsou a bai di akuerdo pa hasi e evaluashon aki.

Intenshon di koperashon entre e paisnan ta, pa un yuda i fortifiká otro. Pa e motibu aki evaluashon di entre otro e funshonamentu di RST, su aporte na mantenshon di órden i kombatimentu di kriminalidat den nos pais  i  su  sosten  na  nos  kuerpo  lokal  ta  nesesario.

Pues  evaluashon  no  nesesariamente  ta  algu negativo pero por por kontribuí na optimalisashon di e koperashon.

 

KOMPUTARISA DATONAN

Otro tópiko sumamente importante ku a trata durante e kumbre ta koperashon den uso di kompiuter den kombatimentu di krímen.

E partisipantenan a haña presentashonnan riba diferente posibilidat den sistemanan di ICT. A yega na palabrashonnan pa sondea kon por apliká e sistemanan pa kompilá informashon i kon e paisnan por koperá ku otro den kompartimentu di informashon ku otro.

 

E paisnan di Reino Aruba, Korsou, St. Maarten i Islariba emster ti un Akademia di Lei pa train hurisa spesialisá riba e tereno aki.

E kumbre ministerial na Korsou a  trata diferente otro tópiko manera koperashon den maneho di imigrashon, kriminalidat ku ta krusa frontera i posibilidatnan pa un Akademia di lei pa trein mas hurista den téknika di traha lei.

Tambe a atendé plannan anual, presupuesto i kuentanan anual di sierto órganonan hudisial.

E kumbre a kana den un bon ambiente i Minister Girigorie ta satisfecho ku e logro i pasonan pa ku koperashon den Reino pa loke ta trata Hustisia i Seguridat.

Den e siguiente kumbre lo sigui elaborá riba algun di e temanan ku ya a bini dilanti.

E siguiente kumbre lo tuma lugá na Boneiru ku Ulanda komo anfitrion, riba dianan 16, 17 i eventualmente 18 di yüli próksimo.

 

 

Fotonan athunto:

 

  1. Ministernan di Hustisia di Reino Bikker, Girigorie, Grapperhaus i De Weever firmando lista di akuerdo di JVO
  2. Anochi kultural den kuadro di JVO
  3. Ministernan na konferensia di prensa
  4. Foto èkstra di Ministernan di Hustisia di Reino ku ekspeshon di señor De Weever di Sint

Maarten

Top