Di 45 miyon florin solamente 2.5 miyon ta bay pa deporte, Segun Minister Danqui Oduber

Na aña 2009 e prome decision di Conseho di Minister di Gabinete Mike Eman, tawata pa kita tur miembro di Raad van Bestuur di Lotto pa Deporte. E tempo ey tur miembro a entrega nan retiro boluntariamente sin bay corte. Y no solamente di Lotto pa Deporte Gabinete Mike Eman I a kita, pero tambe tur e miembronan di Raad van Bestuur di overheids N.V.’s y tambe stichtingen. Pues ta masha normal mes cu ora tin cambio di Gobierno e miembronan di Raad van Bestuur ta cambia, esaki no ta nada inusual.

 

Awor cu un Gobierno di coalicion di MEP-POR-RED, a sigui cu mesun procedura. A pidi e miembronan di Raad van Bestuur di Lotto pa Deporte pa pone nan funcionnan disponibel, pero den e caso aki ningun miembro no kier haci esaki y tur ta lanta caso contra gobierno.

 

Minister Dangui Oduber ta compronde berdad cu ora Lotto pa Deporte ta paga biahe nan luhoso y cuminda di restaurant pa e miembronan, ta masha dificil pa entrega nan puesto mientras cu e deportistanan ta sufri! Cu placa destina pa deportistanan tawata te basta cumpra  camaranan di siguridad pa miembronan di directiva cu ta casa cu ex parlamentarionan di AVP. Esaki ta mustra un biaha mas con nan ta haci y deshaci cu entradanan destina pa deporte! Actualmente di e 45 miyon florin di entrada di Lotto pa Deporte, solamente 2.5 miyon florin ta bay den deporte, cu ta solamente 5.5%! Esaki ta un hecho cu nan a haci abuso cu placa di deporte.

 

Leave a Reply

Top