Dia 29 di november caso di PDVSA su beslag ta den Corte atrobe

WILLEMSTAD – Diaranzon 29 di november proximo lo trata segundo tanda di e apelacion cu PDVSA a someté na Corte pa rechasá e beslag cu un compania Canades cu tabata explorá mina di oro na Venezuela a pone riba cuentanan bancario di PDVSA y eventualmente instalacionnan di e refineria.

Ta na Hulanda abogado di e compania Canades a pone beslag y PDVSA a bay Corte pa anulá e beslag, pero Huez a dicta cu no mester anulá e beslagnan.

 

PDVSA a argumentá cu nan tin inmunidad contra beslag, pero Huez ta opiná diferente.
E otro argumento di PDVSA ta cu e compania Canades a pone beslag riba un partido robes, pasobra no ta nan tin cu paga e compania Canades sino estado Venezolano.

Aki e abogado di PDVSA a faya riba un punto cardinal. Por pone beslag conservator y por pone beslag pa ehecutá.

 

Ora pone beslag conservator ta pa evitá cu e capital y material cu PDVSA tin ta disparcé.

Den un beslag ehecutor deurwaarder ta drenta tene destaho publico p’e compania Canades haña su placa.

Otro aspecto cu abogado di PDVSA a bringa ta cu un Huez Hulandes no tin autoridad pa huzga e caso, pero e argumento aki Corte a rechasá.

Summa summarum Huez a dicidi cu e no competencia pa tuma conocemento di e demanda di PDVSA pa anulá e beslag.

 

E final sí ta sorpresivo: Awor cu ambos partido no a haña razon riba cierto punto, tur dos tin cu paga nan gastunan di abogado y Corte.

Huez no ta anulá e beslag di Crystalles riba PDVSA Corsou y Aruba. Huez den e caso aki tabata mr. Alwin.

Top