Dos persona deteni atrapa cometiendo robo den cas na Westpunt

Den dia dia cla algun persona a bay pa comete kiebro y ladronicia den un cas na Westpunt. Actuacion rapido di Polis a conduci na detencion di dos di e sospechosonan. Diasbra ultimo rond di 3.30 di atardi Polis ta wordo manda na un cas na Westpunt caminda desconocinan a destrui un bentana y a drenta e cas. E persona cu a yama ta un hoben di 18 aña, kende ta scondi den e cas y tabata scucha e hendenan ta cana den e cas.

Dos patruya a wordo manda cu urgencia na e adres en custion. Na e sitio, e Polisnan a drenta di parti patras di e cas y a mira un homber color cla bisti cu un jeans y t-shirt preto, petchi berde y un rugtas den su man. El a habri e porta y a trata di huy. E cas aki tin un cura halto y e polisnan a gare prome cu e por a trata di bula e cura.
A detene mesora y el a resulta di ta DC, di 29 aña.
Polis a papia cu e dama CDA, kende a bisa cu el a scucha sonido biniendo for di e baño. Ora cu el a bay direccion ey, el a mira un homber desconoci tabata listra den e baño. El a core bay y a activa e alarma. El a bay sconde den un otro camber pa yama su mama, kende na su turno a yama Polis.
E mayornan cu a yega cas despues cu e prome sospechoso a wordo deteni, a informa Polis cu nan a caba di mira un homber canando pura bayendo for di e area ey y a kita su camisa. A avisa central di polis, cu a manda un patruya y a mira e homber aki den area di Rooi Santo y a para e homber, kende no por a duna un splicacion di kico e ta haciendo. A listra e homber di fam J. Di 36 aña, y a haya un celular cu tabatin un yamada habri ainda y a resulta cu e tabata e number di e otro sospechoso.

Ambos sospechoso a wordo transporta pa Warda di Polis na Shaba y presenta dilanti Fiscal Auxiliar.

Leave a Reply

Top