E ola di friu na Merca a yega Miami

Temperatura lo bay ta rond di 0 grado celcius

 

 

Den un situacion inedito, Florida lo bay experiencia temperaturanan extremadamente abou y ta alertando pa un “Bomb Cyclone” den e proximo oranan.

E ola polar di caracteristicanan inusual, ta sigui asota Merca y den poco ora e lo afecta e zona di Florida, caracterisa pa tin un clima mas calido.

E ciudad di Miami lo por experiencia temperaturanan di te hasta 4 grado celcius y na Orlando e lo por yega te na 0 grado celcius, segun informacion di The Weather Channel.

 

E Servicio Meteorologico di Merca a hasi un yamada na e poblacion pa tuma medida di precaucion, for di Texas te na Canada y y for di Montana te na New England, como cu ya a a raporta no menos cu nuebe morto pa door di e temperaturanan extremo.

 

Mirando e situacion, varios ciudad di e parti zuid, manera Alabama y Georgia, a habri shelters pa por ricibi esnan cu mester aocgida pa cu e friu extremo. Den otro partinandi e pais cu tambe ta wordo afecta door di e friu, por a mira temperaturanan extremadamente abou y sin precedente. Na Aberdeen, South Dakota, termometer a yega na -36 grado, algo cu nunca a yega di experiencia eynan. Na Nebraska, e cifra di mas alarmante tabata di -26 grado, locual a kibra un record di 1884.

“Bomb Cyclone”

Di su banda, e corant The Washington Post a alerta riba un tormenta di ijs y sneeuw enorme cu a haya e nomber di Grayson, riba e costa west di e pais, cu lo a cuminsa caba na Florida y lo yega den algun ora na e region di New England como un “orcan di winter”.

 

“E tormenta lo por yega na ta esun mas intenso den decadanan, den e awanan na e parti west di New England”, ta señala e matutino di Washington, kende ta adverti cu e meteorologonan ta premira cu e tormenta lo comberti den un “Bom Cyclone” pasobra e presion lo cay hopi liher.

 

E consecuencianan di e friu a keda marca den e celebracion di fin di aña na Merca, mescos cu den e baymento bek scol. Den e ciudad di Omaha mester a cancela un show di klapchi, cu normalmente ta atrae un 30.000 persona. Na Des Moines, Iowa, autoridadnan municipal a cera un pista di schaats riba ijs pasobra e temperatura a yega na -29 grado, y cu biento el a yega -35 grado.

Di otro banda, na scolnan di Indianapolis mester a cancela e regreso di e alumnonan debi na e tempo extremadamente friu.

Leave a Reply

Top