E punto di bista di un Internacionalista Venezolano riba loke e ta denomina como e mal practica migratorio di e Venezolanonan

Tin hende cu ta mir’e como un hazaña.

E abogada cu ta labando baño na un hotel, e modelo cu ta bendiendo arepita na Puerto Madero, e arkitecto cu ta bendiendo cos den bus. Y nan ta wordo mira como heroe, pasobra simplemente e tabata imposibel pa pensa di waknan haciendo trabounan asina na nan pais di origen.

 

Pero, kiko ta sosode cu e custumbernan di e paisnan di destino?

Si… Pasobra na Santiago de Chile nan no tabata custuma di mira hende bendiendo cos den e transporte publico, ni na salida di e metro ni den e plazanan.

 

Pasobra na Buenos Aires, economia informal, desaroya pa awor dor di venezolanonan (ta bon pa menciona cu nan ta hasi esaki bistiendo pañanan di e bandera di Venezuela) no tabata un costumber y awor el a bira un problema cu ta buscando solucion p’e.

 

E cos ta cu tin algun Venezolano cu ta bayendo for di nan pais pa limita nan bida na benta den economia informal, sin pensa cu poco poco nan ta birando un problema pa autoridadnan local, pasobra nan ta kibrando e custumbernan social di e paisnan caminda nan ta.

 

Esaki no ta motibo pa nos sinti nos mes orguyoso di nan. Y nos sa cu nan no ta hasi’e cu mal intencion, pero, pakiko hiba e mal custumber di bo pais na sociedadnan mas desaroya?

 

E hecho cu economia informal a sirbi na Venezuela, pa nos mesun falta di cultura, no ta duna nos pia pa hiba e mal practica aki na otro sociedadnan. Mas ainda pasobra esaki ta algo cu ta pone e pais den un lus negativo.

Plazanan completo yen di Venezolano cu ta bende e mesun cos (arepa, empanada, ayaca) otronan ta bende pechi, paña, carson… Y asina bo ta cambia e armonia di sociedadnan cu ta custuma na ta organisa y biba den trankilidad.

 

E practicanan aki solamente ta e prome paso pa sigui cu otro mal custumbernan Venezolano.

Por ehempel, toca musica duro, sea den auto of caminda nan ta biba, acumula sushi na beach, hasi desordo den sociedadnan cu ta trankil.

 

Tur e mal practicanan migratorio, ta loke ta dañando pa un un grupo di Venezolano cu ta saliendo for di e pais cu un proyecto, cu ta bay cu bon perspectiva, con gananan enorme di crece y evoluciona. Pasobra na momento cu e paisnan cu e Venezolanonan escohe pa bay, cuminsa busca culpabel, nan no lo bay individualisa casonan, sino cu nan lo bay generalisa bisando cu e culpa ta den e Venezolanonan.

 

Ta pa es motibo cu mi ta hasi un yamada na abo cu a sali for di Venezuela, of tin pensa di hasi’e, pa bo bay cu inteligencia y planifica bo mes. Tin un ticket di avion of di bus no ta resolve tur cos!

 

Arvin Alejandro Rodriguez Rosales

Internacionalista UCV

Asesor Migratorio

arvinalejandror@gmail.com

Leave a Reply

Top