Elegante nochi di gala den colornan cora y preto pa Caribbean Palm Village Resort

E celebracion tradicional di fin di aña di Caribbean Palm Village Resort a tuma lugar den Indian Rock Garden caminda cu tur empleado y miembronan di management tabata presente. E lugar tabata bunita decora y e atmosfera tabata uno festivo y elegante.

 

Despues di a anuncia tur e nominadonan di e di cuater kwartaal, Gerente General interino Astrid Muller tabatin e honor di nombra Juanita Dorothal como empleado di e di cuater kwartaal y Kenjah Howell como empleado di aña 2017. Tanto Juanita como Kenjah a wordo nomina varios biaha e aña aki pa nan conducta y desempeño extraordinario, nan a demostra cu nan ta esencial pa e bon funcionamento di e operacion di e hotel den e aña cu a pasa.

 

Nan no tabata e uniconan, hopi di e empleadonan di Caribbean Palm Village Resort a distingui nan mes den e di cuater kwartaal di 2017 y nan a wordo nomina pa e premio mas desea. Entre nan, Geraldine Frank di Front Desk, Isel Kock di Accounting, Jean Merisier di Maintenance y Francia Kelly di Housekeeping.

 

Empleadonan cu a bai e miya extra den e di cuater kwartaal di 2017 tambe a wordo elogia pa nan dedicacion, abilidadnan y nan reacionnan rapido, entre nan; Cesar Martinez, Nattalee Morrison, Rakesh Soekhai, Lovius Erizien, Juanita Dorothal, Elsa Croes, Annrellaa Pñeyro, Francia Kelly, Gilberto Spataro y Miladys Sarmiento cual tur ta miembro di e ekipo di Housekeeping; Rashida Gomez, Evelyne Boekhoudt, Kenjah Howell, y Deborah Rasmijn, recepcionista; Sadia Futa, Reservations; George Irausquin y Alicia Ras di Maintenance, y Rosalba Ras di Accounting.

 

Riba potret por aprecia momentonan inolvidabel di e fiesta. Na final di e parti oficial di e anochi, empleadonan a goza di e cuminda, bebida, musica y bailamento, asina yamando ayo na e aña bieu den style y yamando e aña nobo bon bini.

Leave a Reply

Top