Empleadonan di Aruba Bank a disfruta di e première di Star Wars The Last Jedi

E di ocho (8) pelicula di Star Wars: The Last Jedi a sali y Aruba Bank a ofrece su empleadonan e oportunidad pa ta parti di e primicia diahuebs anochi. Tur esunnan cu a bay mira Star Wars: The Last Jedi tabata en espera p’e pelicula bin riba pantaya grandi.

Hopi tawata e fanaticonan di Star Wars y tabata emociona pa mira e pelicula. Aruba Bank a organisa e evento aki cu ta forma parti di nan actividad social, interactivo p’e staf.

E pelicula a mantene e atencion di esunnan cu a mira esaki, kendenan a kier a haya sa kico tur lo a pasa den e siguiente etapa di e storia di un Jedi. Manera a anticipa e pelicula a laga tur esunnan cu a atende satisfecho cu e resultado. Tur hende a sali for di e sala intercambiando ideanan di e pelicula y cua tabata e miho partinan di e pelicula.

Top