Famianan di Mitch Henriquez a demostra contra violencia policial

Un grupo di mas di shen persona consistiendo di famia y simpatisantenan di Mitch Henriquez a demostra diabierna atardi na Den Haag, contra violencia policial, esaki relaciona cu fayecimento di e Arubiano di esaki na juni 2015.

E demostrantenan tabatin pancarta cu expresionnan manera “Stop cu violencia policial”. E grupo tabata wordo sigui door di basta Polis riba cabay, brommer den busnan ME. Prome cu e demostracion a cuminsa, e ruman muhe di Mitch a haci un apelacion na un y tur pa e demostracion ta uno pacifico.
Krans
E participantenan a cana for di Koekamp dilanti Den Haag CS pa Vredespaleis y djei bek. Na caminda nan a pone krans na e oficina principal di Polis na memoria di e victimanan di violencia policial.
Entre e demostrantenan tabata e mama y primo di Mitch. Den e articulo ta duna un splicacion e situacion cu Mitch a pasa aden na 2015, con cinco polis a traha cun’e pa want’e trankil y cu un dia despues e homber di 42 aña a fayece y cu te awe e causa di fayecimento ta desconoci.
Tabatin un programa interesante cu a pasa na NOS den e programa investigativo Argos den cual tres profesor a analisa e situacion y a yega na e conclusion cu el a fayece cu nan a chok’e y a stik y no door di Diahuebs awo tin sentencia den e caso contra e dos Polisnan.

Top