Gobierno a cuminsa na pidi tur comisario di companianan estatal pa entrega nan retiro Pero problema cu tin ta cu Fundacion Stichting Lotto pa Deporte

Den un carta cu tur respectivo Minister cu tin bao di nan hurisprudencia un compania estatal, a manda pidi pa tur miembro di Hunta Comisario entrega nan retiro. Esaki tabata un carta cu a bay dia 1 di december ultimo y mayoria di e miembronan di Hunta Comisario a cumpli cu dicho peticion sin problema.

Pasobra e ta masha normal cu ora cu tin cambio di Gobierno, tin cambio tambe den Hunta Comisario di e companianan estatal, ya cu e partido(nan) na mando kier pone nan personanan di confianza.

 

Den tur e corespondencianan aki, uno a hala atencion y a pone carta di e Minister na berguenza, ta ora cu a manda carta pa Director di N.V. Elmar, referiendo na st. Boekhoudt (?), siendo cu Director di N.V. Elmar ta sr. Robert Henriquez.

Ademas esun cu a concipia e carta no por pidi ningun Director pa pidi miembronan di Hunta Directiva pa entrega nan retiro, pasobra esey no ta nan competencia, pero di e Minister, kende ta nombra y retira.

 

Problema mas serio y pa cual por senti e tension ta den Fundacion Stichting Lotto pa Deporte, unda Gobierno kier retiro di tur hende, incluso di e Director, cu MEP ta haya cu e actual Director a auto-nombra su mes pa algun aña mas. Siendo cu Gobierno tin su propio vision pa cu maneho di Lotto. Pa loke t’e comisarionan, nan sigur mester entrega nan retiro. Si bay over na retira e Director, kende ta Di Stefano Wernet, por spera caso den Corte.

 

Otro preocupacion di Gobierno ta, t’e comision di subsidio. E comision aki a ser institui, cu miras pa evita cu Gobierno ta sigui meta den asunto di duna subsidio, y el a bin ta funciona masha bon, bao di presidencia di Tito de Cuba.

E comision aki manera menciona a ser institui pa evita pa Gobierno sigui mete den maneho di duna subsidio, pero algun dirigente di MEP kier cambio den esaki.

Si no logra, ya caba a keda participa cu lo institui un comision nobo, unda Lotto lo deposita su fondonan pa nan por duna subsidio na grupo di deportistanan cu awor no ta hayando aworaki.

E.o, a ser menciona Stichting Palo Marga, unda berdad ta practica dragracing, pero e no ta un deporte de facto, pero un actividad cu awor ta spera di haya fondo pa sigui organisa dragracing. Prome cu yega asina leu, a bira tempo p’e organisadornan entrega tambe nan relato financiero anual pa tur hende sa unda e placa a bay.

 

 

Leave a Reply

Top