Hoben Arubiano grandi den musical na Hulanda

 

Den e articulo aki nos ta pone atencion n’e artista Arubano Nigel Brown (34) kende pa varios aña ta briya riba escenarionan grandi y importante na Hulanda.

Cu apenas 2 aña Nigel y su mama a bay Hulanda unda el a crece. Originalmente e ta di San Nicolas. Na Hulanda, Nigel Brown a bay Conservatorium Inholland na Alkmaar.

 

Na aña 2007 Nigel Brown a participa den famoso programa IDOLS y a finalisa na puesto 4 entre e centenares di participante. Den The Voice of Holland 2011, el a logra e premio di cuarta finalista.

Den teatro Nigel a cuminsa na 2011 den e obra R&B ’90 y a keda invita pa t’e actor importante den e obra musical  “JEANS”.

Cu “JEANS” el a tour 4 aña rond di Hulanda, actuando den tur teatro mas importante.

 

E ultimo 2 añanan Nigel Brown ta e actor importante di e famoso musical The Lion King cu a kibra tur record di musicals na Hulanda. Den The Lion King e tin e rol principal di SIMBA.

Ta bon pa menciona cu Nigel ta sumamente orguyoso di ta Arubiano y esaki e ta expresa den tur programa na radio y television Hulandes.

 

Aruba por ta orguyoso di su yiu di tera Nigel Brown kende p’e siguiente añanan no ta pensa pa stop sino lo ta activo den e mundo farandulero na Hulanda, unda cu e mundo aki t’e trabao oficial pa artista.

Den futuro tambe Nigel ta planea pa bin Aruba y brinda su talento musical cu e hobennan y pueblo en general.

Pa mas informacion por bishita su instagram account http://instagram.com/nigelbrowmusiq of tambe su facebook page  Facebook.com/nigelbrownmusiq.

Tambe por tuma contacto cu su representante Marvin Eyra na 06-187-0-0166.

Leave a Reply

Top