Homber burachi haciendo fastioso

Diabierna, pa mas of menos 7’or y 12 di anochi, Central ta manda patruya na Win Lee Supermarket banda di Bon Dia Aruba, den Westraat, pa un homber burachi y fastioso. Eynan polis a acerca e homber, kende despues a bin resulta di ta B., kende a declara cu e tabata na e supermercado y un homber a dal’e cu un palo di basora na su cara banda robes. Door di esey B. a ricibi un herida na su wenkbrauw robes.

  1. tabata basta bao di influencia di alcohol y no por a para drechi riba su pianan. Polis a laga sa den su propio palabra kico a pasa y a bisa varios biaha “Lage pa Dios” y cu e no kier a duna keho. Na e supermarket, polis a papia cu e trahado W., kende a declara cu e homber a drenta y a cuminsa haci fastioso. Poco rato despues el a coy un caha di cerbes y a lage cay riba vloer. Door di esey W. a dicidi pa yama polis. Segun W., B. a informa cu e on mas di drnta paden y a pidi’e pa bay pafo. B a cuminsa dal contra di e porta dilanti y tabata hopi agresivo. Pa proteha e mercancia W. a cuminsa dal’e cu un palo di basora.

Polis a pone W. na altura riba e consecuencia di e maltrato cu arma. W. a declara cu e no por a keda warda riba polis, mirando cu B. a bira hopi agresivo y pa proteha e mercancia el a haci esaki. Polis a dicidi hiba B. su cas den Ranchostraat pa e bay sosega su body. Central a wordo poni na altura y paz a wordo restaura temporalmente.

  1. tabata cu un bicicleta. Polis a topa cu e bicicleta na e t-kruising di Braziliestraat y Guatemalastraat hunto cu un homber cu ta conoci pa B. Mirando cu B. tabata boa di influencia y no tabata tin mag di core e bicicleta, B. a dicidi pa laga e bicicleta cu e homber kende a bin resulta di ta R, biba den Braziliestraat y cu den oranan di mainta e lo busca esaki.

 

 

Leave a Reply

Top